جامعہ کے طلبا کو پولیس نے روکا، پارلیمنٹ تک مارچ کرنے کی تیاری تھی

پولیس اور جامعہ کے طلبا کے درمیان دھکا مکی کی بھی اطلاعات ہیں۔ شہریت ترمیمی قانون کے خلاف جامعہ کو آرڈینیشن نے آج پارلیمنٹ تک مارچ کرنے کا فیصلہ کیا تھا۔ اسی دوران پولیس نے انہیں ہولی فیملی ہاسپیٹل کے قریب روک دیا، اور انہیں پارلیمنٹ تک مارچ نہیں کرنے دیا۔

شہریت ترمیمی قانون اور این آر سی کے خلاف جامعہ کے طلباء نے اعلان کیا ہے کہ وہ جامعہ سے پارلیمنٹ تک مارچ کریں گے اور اس کے لیے وہ جامعہ کے گیٹ نمبر سات پر جمع ہو رہے ہیں، تاہم ابھی یہ صاف نہیں ہو پایا ہے کہ طلبا کا یہ مارچ پارلیمنٹ تک پہنچ پاتا ہے یا نہیں یا پھر پولیس کے ذریعہ انہیں پہلے ہی روک ددیا جائے گا۔

آپ کو بتا دیں جامعہ ملیہ اسلامیہ کے طلبا گزشتہ قریب دو ماہ سے شہریت ترمیمی قانون اور این آر سی کے خلاف احتجاج کررہے ہیں طالب علم جامعہ کے گیٹ نمبر سات پر روزانہ جمع ہوتے ہیں اور احتجاج کرتے ہیں۔