'جگن کا اقدام توہین عدالت ہے'

اٹارنی جنرل آف انڈیا کے کے وینو گوپال نے کہا کہ چونکہ معاملہ چیف جسٹس بوبڈے کے پاس ہے۔ اس لیے وہ وزیر اعلی جگن موہن ریڈی اور ان کے مشیر خاص کے خلاف توہین عدالت کی اپیل نہیں کرسکتے۔

اٹارنی جنرل کے کے وینو گوپال نے وزیراعلی آندھراپردیش وائی ایس جگن موہن ریڈی کی جانب سے سپریم کورٹ کے چیف جسٹس کو لکھے گئے خط کے طریقہ کار کو توہین عدالت کا عمل بتایا۔

انھوں نے کہا کہ وزیراعلی کے لکھے گئے اس خط کو ان کے مشیر خاص نے میڈیا کے سامنے پیش کیا۔ انھوں نے کہا کہ جگن کے مشیرخاص کا یہ اقدام شکوک وشبہات پیدا کرتا ہے۔اوراس طرح جان بوجھ کر توہین عدالت کا عمل کیا گیا ہے۔

اٹارنی جنرل کے کے وینو گوپال نے کہا کہ چونکہ یہ معاملہ چیف جسٹس بوبڈے کے پاس ہے اس لیے وہ وزیر اعلی جگن موہن ریڈی اور ان کے مشیر خاص کے خلاف توہین عدالت کی اپیل نہیں کرسکتے۔

وزیراعلی جگن پر 31 کریمنل کیسز ہیں جس کی سماعت زیر التوا ہے۔

اس سے قبل 16 ستمبر کو جسٹس رمنا نے عوامی رہنماوں پر عائد کیسز کی تیزی سے سماعت کی ہدایت کی تھی۔