چینئی سپر کنگز کی چھہ وکٹوں سے جیت

چینئی سپر کنگز کے سامنے دہلی کیپٹلز کی جانب سے شکھر دھون اور پرتھوی شا کے علاوہ دیگر کوئی بھی بلے باز قابل ذکراسکور نہیں کر سکا۔

شکھر دھون نے 47 گیندوں کا سامنا کیا اور انہوں نے 51 رنوں کی پاری کھیلی۔پرتھوی شا نے ٹیم کو تیز آغازضرور دیالیکن اننگ کو دور تک لے جانے میں ناکام رہے۔ ان دونوں کھلاڑیوں کی بدولت دہلی کیپٹلز نےچینئی سپر کنگم کے سامنے جیت کے لیے148 رنوں کا ہدف دیا تھا۔ جسے چینئی سپر کنگز نےچھہ وکٹ سے جیت لیا۔

چینئی سپر کنگز کی جانب سے شین واٹسن نے سب سے زیادہ 44 رنوں کی پاری کھیلی۔کپتان مہیندر سنگھ دھونی نے 32، سریش رینا 30 اور کیدار جادھو نے 27 رن بنائے۔

دہلی کی طرف سے پرتھوی شا نے 16 گیندوں کا سامنا کیا اور24 رنوں کی پاری کھیلی۔انہوں اپنی اننگ میں پانچ چوکے بھی لگائے۔

دہلی کیپیٹلز اور چینئی سپر کنگز

دہلی کو شرئس ائیر اور رشبھ پنت سے دہلی کافی امیدیں تھیں لیکن ان دونوں کھلاڑیوں نے بھی اپنی ٹیم کو مایوس کیا۔ایئر 18 اور پنت 25 رن بنا کر آؤٹ ہوئے۔

چینئی کی جانب سے براؤ سب سے کامیاب گیندباز رہے۔ انہوں نے تین کھلاڑیوں کو آؤٹ کیا۔چاہر، عمران طاہر اور رویندر جڈیجہ کو ایک ایک کامیابی ملی۔

امت مشرا دہلی کے سب سے کامیاب گیندباز رہے۔انہوں نےدو کھلاڑیوں کو آؤٹ کیا۔ان کے علاوہ رباڈا اور ایشانت شرما کو ایک ایک وکٹ ملا۔