بھارتی بحریہ نے اسمارٹ فونز کے استعمال پر پابندی عائد کی

بھارتی بحریہ نے بحری اڈے پر سوشل میڈیا اور اسمارٹ فونز کے استعمال کو ممنوع قرار دیا ہے۔

بحریہ نے اپنے اہلکاروں کو شوشل میڈیا اور اسمارٹ فونز استعمال کرنے کو ممنوع قرار دیتے ہوئےہدایات جاری کی ہیں۔

سوشل میڈیا بشمول فیس بک پر بحریہ کے سات اہلکار حساس اور رزدارانہ مواد دشمن انٹلی جینس کو شیر کرتے ہوئے پکڑے گئے ہیں، جس کے بعد بھارتی بحریہ نے اسمارٹ فونز اور سوشل میڈیا کے بحری اڈے پر استعمال کو ممنوع قرار دیا۔

آندھراپردیش پولیس نے سنٹرل انٹلی جینس کی مدد سے ان سات بحری اہلکاروں کو گرفتار کیا ہے، ذرائع کے مطابق اس ریکیٹ کے پاکستان سے تانے بانے تھے۔

سات اہلکاروں کے بشمول ایک حوالہ آپریٹر بھارتی جنگی جہاز اور آبدوز سے متعلق پاکستان کو مواد فراہم کیا کرتا تھا۔