دھونی کی فوج میں ٹرینینگ، بھارتی فوج کے ترجمان سے بات چیت

بھارتی کرکٹ ٹیم کے سابق کپتان مہیندر سنگھ دھونی فوج کے ساتھ ٹرینینگ کرنے جا رہے ہیں۔ انہوں نے فوج سے ٹرینینگ کی اجازت مانگی تھی جس کی بھارتی فوج نے انہیں اجازت دے دی ۔ اسی معاملے پر ای ٹی وی بھارت نے بھارتی فوج کے تعلقات عامہ کے افسر موہت وشنو سے بات چیت کی۔

موہت وشنو نے بتایا کہ لیفٹینینٹ کرنل آنریری مہیندر سنگھ دھونی نے حال میں ہی بھارتی فوج سے ایک درخواست کی تھی جس میں انہوں نے بھارتی فوج کے ساتھ ٹرینینگ کرنے کی خواہش کا اظہار کیا تھا۔ ان کی درخواست کو منظور کرتے ہوئے ان کی پیرینٹ یونٹ 106 ٹیریٹوریئل آرمی بٹالیین نے اجازت دے دی ہے۔

موہت ویشنو نے مزید بتایا کہ دھونی 31 جولائی سے 15 اگست تک بھارتی فوج کے ساتھ ٹرینینگ کرینگے۔ اس دوران ہر سرگرمیوں میں حصہ لینگے جو جوان کرتے ہیں۔ جیسے پیٹرولینگ، گارڈ ڈیوٹی، پوسٹ ڈیوٹی وغیرہ وغیرہ۔

دھونی نے لیہہ میں ٹرینینگ کے لئے بھی اجازت مانگی تھی اس پر کیا فیصلہ آیا ہے۔ پوچھے جانے پر وشنو نے بتایا کہ انکا پرپوزل آرمی کے پاس آیا ہے، آرمی اسے لے کر شیڈول بنا رہی ہے۔ اس کے بعد ہی کچھ کہہ سکتے ہیں۔

اصل میں 2011 میں بھارتی فوج نے دھونی کو لیفٹینینٹ کرنل کے اعزاز سے نوازا تھا ۔ اب دھونی نے فوج کے ساتھ ٹرینینگ کی خوا ہش کا اظہار کیا ہے۔ بتایا جا رہا یے کے ویسٹ انڈیز دورے سے اسی وجہ سے انہوں نے چھٹی لی ہے۔