برہموس میزائل کا کامیاب تجربہ

دفاعی تحقیق اور ترقی کی تنظیم (ڈی آر ڈی او)، فضائیہ اور برہموس نے سپرسونک برہموس کروز میزائل کا زمین اور ہوا سے الگ الگ تجربہ کیا۔

وزارت دفاع کے مطابق پہلا تجربہ زمین پر واقع موبائل لانچر سے کیا گیا۔

دوسرا تجربہ فضائیہ نے اپنے جنگی طیارے سکھوئی 30 سے کیا جس کے ذریعہ سمندر میں واقع ہدف کو نشانہ بنایا گیا۔

اس تجربہ سے برہموس کی سمندر میں تعینات جنگی جہاز کو نشانہ بنانے کی اہلیت کی تصدیق کی گئی۔

واضح رہے کہ بھارتی فضائیہ نے رواں برس مئی کے مہینے میں نکوبار جزائر میں زمین پر واقع ہدف کو نشانہ بنانے میں کامیابی حاصل کی تھی۔

ڈی آر ڈی او کے ڈائریکٹر ڈاکٹر جی ستیش ریڈی نے ڈی آر ڈی او، برہموس اور فضائیہ کو ان تجربات پر مبارک باد دی ہے۔