کورونا وائرس کے خوف سے، لاک ڈاؤن پابندیوں کی وجہ سے بہت سارے پاکستانی خاندان بھارت کے مختلف علاقوں میں پھنس گئے تھے۔
وزارت خارجہ نے سرحدی گزرگاہ بند کرنے اور مسافر فلائٹ پر پابندی عائد کرنے کے بعد کورونا وائرس وبائی امراض کا مقابلہ کرنے کے اقدامات کے تحت پاکستان سفارت خانے کو بھارت میں پھنسے اپنے شہریوں کو نکالنے میں مدد فراہم کی ہے۔
پاکستانیوں نے کہا کہ"ہم دس اپریل کو آگرہ میں ایک مذہبی اجتماع میں شرکت کے لئے آئے تھے اور 22 اپریل تک ویزا کی مدت میں توسیع کی گئی۔ ہم پاکستان اور بھارت کے سرکاری حکام کے شکر گزار ہیں جنہوں نے بحران کے اس وقت میں ہم آہنگی کے ساتھ ہماری مدد کی"۔
بھارتی حکام کی جانب سے پاکسنی شہریوں کی مدد کے لئے گاڑیوں کا انتظام کیا گیا جو اس وقت دہلی ، ہریانہ ، پنجاب اور اتر پردیش کے مختلف علاقوں میں ہیں۔ حکام کو ہدایت دی گئی کہ وہ گاڑیوں کی نقل و حرکت میں آسانی پیدا کریں جو پاکستانی شہریوں کو زمینی سرحد تک لے جائیں گی۔
پاکستانی شہری ولایت علی نے خوشی کا اظہار کرتے ہوئے کہا ، "ہمیں راحت ملی ہے کہ ہم اپنے آبائی وطن لوٹ رہے ہیں۔ ہم یہاں علاج معالجے کے لئے آئے تھے۔ ہم لاک ڈاؤن کی وجہ سے پھنس گئے تھے لیکن بھارتی حکام نے ہمارے ساتھ تعاون کیا اور ہماری مدد کی۔"
ویزہ میں توسیع کے بارے میں پوچھے جانے پر ، علی نے کہا ، "سرکاری عہدیداروں نے ہمیں آن لائن ویزا کے لئے درخواست دینے کا طریقہ بتایا اور اس میں 22 اپریل تک توسیع کردی گئی۔ ہم حکام کے شکر گزار ہیں کہ انہوں نے ہماری مدد کی۔ بھارت میں ان کا پرتپاک استقبال کیا گیا۔"
