عالمی وبا کووڈ- 19 کی بدتر ہوتے حالات کے درمیان ملک میں گذشتہ پانچ ہفتوں میں یومیہ اوسطا نئے کیسز میں تیزی سے کمی آرہی ہے۔
صحت اور خاندانی بہبود کی مرکزی وزارت نے منگل کو گزشتہ پانچ ہفتوں کے دوران کورونا وائرس کے یومیہ اوسطاً کیسز کا ڈیٹا جاری کیا۔
اعداد و شمار کے مطابق '9 سے 15 ستمبر کے درمیان ہفتہ میں کورونا وائرس کے نئے کیسز کی اوسط یومیہ 92 ہزار 830 تھی، جو 16 سے 22 ستمبر کے درمیان ہفتے میں روزانہ 90 ہزار 346 رہ گئی۔ تیسرے ہفتے یعنی 23 سے 29 ستمبر کے درمیان یہ یومیہ اوسط 90 ہزار سے کم ہوکر 83 ہزار 232 رہ گئی۔