بھارت ۔ چین کشیدگی: راہل کا مودی حکومت سے سوال

چین کے ساتھ جاری سرحدی تنازعہ پر راہل گاندھی نے مودی حکومت کو تنقید کا نشانہ بنایا ہے۔ انہوں نے حکومت سے پوچھا ہے کہ چین کے زیر قبضہ اراضی کو واپس لینے کا کیا منصوبہ ہے؟ کیا اس پر کوئی کارروائی ہوگی یا اسے 'ایکٹ آف گوڈ' مان لیا جائے گا۔

کانگریس کے سابق صدر راہل گاندھی نے لداخ میں لائن آف ایکچول کنٹرول (ایل اے سی) پر چین کے ساتھ جاری کشیدگی پر ایک بار پھر مرکزی حکومت کو تنقید کا نشانہ بنایا ہے۔

راہل نے ٹویٹ کرتے ہوئے کہا کہ چین نے ہماری سرزمین پر قبضہ کرلیا ہے۔ کیا بھارتی حکومت چین سے زمین واپس لینے کا منصوبہ بنا رہی ہے؟ یا یہ بھی 'ایکٹ آف گوڈ' ہے۔'

واضح رہے کہ جمعرات کے روز ماسکو میں بھارت اور چین کے وزرائے خارجہ کے مابین ہونے والی میٹنگ میں ایل اے سی پر تناؤ کم کرنے کے لئے پانچ نکاتی فارمولے پر قرار کیا گیا ہے۔

ان دنوں راہل گاندھی ٹویٹر کے توسط سے مرکزی حکومت کو تنقید کا نشانہ بنارہے ہیں۔ وہ حکومت کی پالیسیوں پر سوال اٹھا رہے ہیں۔