کشمیر میں طلبا کی حاضری میں اضافہ: گورنر انتظامیہ

جموں و کشمیر انتظامیہ کی طرف سے پانچ اگست کو ریاست کا خصوصی درجہ ختم کیے جانے کے بعد سے تمام اسکولز و کالجز بند تھے۔

ڈائریکٹر برائے اطلاعات و عوامی رابطے جموں و کشمیر سحرش اصغر نے آج ایک پریس کانفرنس کے دوران کہا کہ 'جنوبی کشمیر کے اسکولز میں دو سے تین فیصد حاضری درج کی گئی جبکہ شمالی کشمیر کے کچھ علاقوں میں 50 فیصد سے زائد بچوں کی حاضری درج کی گئی ہے۔

سحرش اصغر نے بتایا کہ سرینگر کے نجی اسکولز میں پرائمری سطح کی تعلیم کا آغاز ہو گیا ہے۔

سحرش اصغر کے مطابق جموں خطے میں تمام اسکولز معمول کے مطابق کام کر رہے ہیں۔