رامپور میں صحت مراکز پر صحت میلہ کا اہتمام

اترپردیش کے شہر رامپور میں آج تمام صحت مراکز پر صحت میلہ کا اہتمام کیا گیا۔ اس میلے کا مقصد زیادہ سے زیادہ لوگوں تک طبی سہولیات پہنچانا ہے۔ ریاست کی یوگی حکومت کی جانب سے جاری اس قسم کے صحت میلوں سے مریضوں کو طبی امداد فراہم کی جار رہی ہے۔

رامپور میں یکم فروری سے تمام صحت مراکز پر ہر اتوار کو صحت میلہ کے اہتمام کا سلسلہ جاری کیا گیا ہے۔ حکومت کا دعوی ہے کہ اس سے مختلف امراض میں مبتلا مریضوں کا مفت چیک اپ کرکے علاج کیا جاتا ہے تاکہ گھر گھر تک طبی قدمات پہنچ سکیں۔

یہی وجہ ہے کہ ہر اتوار کو صبح 10 بجے سے 2 بجے تک بڑی تعداد میں مختلف امراض میں مبتلا مریض اپنے علاج کے لئے یہاں پہنچتے ہیں ساتھ ہی حاملہ خواتین کے لئے بھی یہاں خصوصی کیمپ لگاکر صلاح و مشورے دیے جاتے ہیں۔

ان حاملہ خواتین کو ان کی غذا سے متعلق معلومات بھی دی جاتی ہیں۔ رامپور کے دومحلہ روڈ پر واقع صحت مرکز پر اس میلے میں علاج کرانے آئیں کچھ خواتین نے یہاں کی بدنظمی پر ناراضگی ظاہر کی۔