سیکڑوں میل پیدل چل کر پیڑ پر بنی جھوپڑی میں قرنطینہ

ریاست راجستھان کے ضلع بھلواڑہ میں انتظامیہ کورونا وائرس کے چین کو توڑنے کے لیے کافی سنجیدہ ہے۔آپ کو بتا دیں کہ بھلواڑہ ضلع کے جہاز پور علاقے میں دوسرے ضلع سے آئے لوگوں کو قرنطینہ کیا جا رہا ہے۔تاکہ آنے والے کے رابطے میں کوئی دوسرا نہ آ سکے۔

ضلع بھلواڑہ کے جہاز پور اسمبلی حلقے میں شکر گڑھ پولیس اسٹیشن علاقے کے شور پورہ گاؤں کے کشن مینا نے 14 دن تک کنبے سے الگ رہنے کے لئے کچھ انوکھا طریقہ اپنا یا ہے۔

کشن مینا نے فارم کی حفاظت کے لئے بنائی گئی جھونپڑی میں رہ کر 14 دن گزارنے کا فیصلہ کیا ہے۔

علاقے کے کورونا جنگجوؤں نے بتایا کہ کشن کا کھانا پینا سارا کچھ اسی جھونپڑی میں ہوتا ہے۔ کشن 16 اپریل کو گاؤں آیا تھا اور تب سے اب تک الگ تھلگ ہے۔ کشن مینا ضلع اجمیر کے کشن گڑھ قصبے سے پیدل آئے تھے۔ یہ ایک ٹریکٹر ڈرائیور ہیں معاشی حالت بہتر نہ ہونے کے سبب ان کا ایک ہی کچہ مکان ہے، جس کی وجہ سے وہ فارم پر بنی جھونپڑی میں ہیں۔

کورونا وبا کی وجہ سے دوسرے دیہات اور شہروں سے آنے والوں کو گاؤں کی کورونا فائٹرز ٹیم کی جانب سے الگ تھلگ رکھا جا رہا ہے۔