سپریم کورٹ کے سبکدوش جج مارکنڈے کاٹجو نے لکھا تھا کہ بھارتی فضائیہ کے پائلٹ ابھینندن کی رہائی کے فیصلے سے وہ پاکستانی وزیر اعظم عمران خان کے مرید ہو گئے ہیں۔
اپنے اس بیان کے بعد مارکنڈے کاٹجو سرخیوں میں ہیں۔
دراصل انہوں نے ٹویٹ کیا تھا:'میں پہلے عمران خان کی نکتہ چینی کرتا تھا، لیکن پاکستان کے پارلیمنٹ میں مشترکہ اجلاس کے دوران ان کی تقریر کو سن کر میں ان کا مرید ہو گیا ہوں'۔
انہوں نے مزید لکھاتھا:' عمران خان نے دونوں ملکوں کے درمیان بڑھتی تلخیوں کو کم کرنے کے لیے بہت ہی دانشمندانہ اور شعوری انداز میں تقریر کی۔ انہیں سننے کے بعد میں ان کا مرید ہو گیا ہوں۔
ان کے اس بیان کو پاکستانی اخبار 'دی ایکسپریس ٹریبیون' کی ویب سائٹ پر یہ خبر شائع کی ہے۔
غورطلب ہے کہ عمران خان نے پاکستان کے پارلیمنٹ کے مشترکہ اجلاس میں کہا تھا کہ وہ بھارت کے ساتھ بات چیت کے حمایتی ہیںاور بات چیت کے ذریعے ہی ہر مسئلہ سلجھانا چاہتےہیں۔
انہوں نے کہا کہ وہ بھارت کے وزیر اعظم مودی سے بات کرنے کی کوشش کی لیکن وہ کامیاب نہیں ہو سکے۔
عمران خان نے اپنی اس تقریر کے دوران ہی بھارتی پائلٹ ابھینندن کو رہا کرنے کا اعلان کیا تھا۔
عمران خان کے اس اعلان کے بعد گزشتہ رات پاکستانی حکام نے بھارتی ونگ کمانڈر ابھینندن کو بھارت کے حوالے کر دیا۔ وہ اٹاری واگہ بارڈر کے ذریعے وطن واپس آگئے۔
