نئی دہلی کے ڈپٹی پولیس کمشنر ایش سنگھل نے بتایا کہ صبح تقریباً سات بج کر 15 منٹ پر 15 سے 20 افراد انڈیا گیٹ کے پاس اکٹھا ہو کر زراعت سے متعلق ایکٹ کی مخالفت میں مظاہرہ کرنے لگے۔ اس دوران مظاہرین نے ایک ٹریکٹر میں آگ لگا دی۔ پولیس نے اس معاملے میں پانچ افراد کو حراست میں لیا ہے جن کی شناخت منجوت سنگھ، رمن دیپ سنگھ، راہل، صاحب اور ساونت کے طور پر ہوئی ہے۔ یہ سبھی پنجاب کے باشندے ہیں۔
ٹریکٹر میں آگ لگانے کے الزام میں پانچ افراد پولیس کے زیر حراست
زراعت سے متعلق ایکٹ کی مخالفت میں پنجاب یوتھ کانگریس کے مظاہرین کی جانب سے ایک ٹریکٹر میں آگ لگانے کے الزام میں پولیس نے پانچ افراد کو حراست میں لیا ہے۔
ٹریکٹر میں آگ لگانے کے الزام میں پانچ افراد پولیس کے زیر حراست
پولیس کے مطابق مظاہرین نے دعویٰ کیا ہے کہ وہ یوتھ کانگریس کے کارکن ہیں۔ حالانکہ پولیس تحقیقات کر رہی ہے۔
واضح رہے کہ قومی دارالحکومت دہلی میں پیر کی صبح سے پنجاب یوتھ کانگریس کے کارکنان انڈیا گیٹ کے قریب زرعی قوانین کے خلاف احتجاج کر رہے تھے۔ کسان ٹریکٹر لے کر انڈیا گیٹ کے قریب پہنچ گئے۔ اس دوران انہوں نے ایک ٹریکٹر کو بھی آگ لگا دی۔جب تک پولیس موقع پر پہنچی تب تک سبھی فرار ہوگئے۔