صحافی کے قتل میں ملوث پانچ ملزمین گرفتار

صحافی نے پولیس اسٹیشن میں شکایت درج کروائی تھی۔ جس میں کہا گیا تھا کہ کچھ افراد ان کی بھانجی کو ہراساں کررہے ہیں۔

اترپردیش پولیس نے غازی آباد کے ایک صحافی پر حملے کے سلسلے میں پانچ افراد کو گرفتار کیا ہے جن پر پیر کی شب وجئے نگر میں کچھ بدمعاشوں نے گولی چلادی تھی۔

اطلاعات کے مطابق، صحافی کو اپنی بھانجی کو ہراساں کرنے کے بارے میں پولیس میں شکایت درج کرنے کے کچھ دن بعد گولی مار دی گئی۔ یہ سارا واقعہ سی سی ٹی وی کیمرے میں قید ہوگیا۔

غازی آباد کے سینئر سپرنٹنڈنٹ پولیس کلانیدھی نیتھنی نے بتایا کہ اس واقعے کے سلسلے میں پانچ ملزموں کو گرفتار کرلیا گیا ہے جس میں غازی آباد کے وجے نگر میں نامعلوم افراد نے ایک صحافی کو گولی مار دی تھی۔

ایس ایس پی نے بتایا ، "اس معاملے میں پانچ ملزموں کو گرفتار کیا گیا ہے، جس میں وجئے نگر میں نامعلوم افراد نے ایک صحافی کو گولی مار دی تھی۔ صحافی کے بھائی نے ہمیں اطلاع دی تھی کہ کل ان کی بہن کے گھر سے واپسی کے دوران ان پر حملہ کیا گیا تھا۔"

یہ واقعہ گزشتہ رات پیش آیا، صحافی وکرم جوشی نے وجئے نگر پولیس اسٹیشن میں شکایت درج کروائی تھی جس میں کہا گیا تھا کہ کچھ افراد ان کی بھانجی کو ہراساں کررہے ہیں۔

گزشتہ روز بدمعاشوں نے ان کی رہائش گاہ کے قریب جوشی پر فائرنگ کی۔ جوشی کے سر پر گولی لگی ہے۔یہ سارا واقعہ سی سی ٹی وی کیمرے میں قید ہوگیا۔

جوشی کے بھائی ، انکت جوشی نے کہا ، "کچھ دن پہلے کچھ افراد ان کی بھانجی کو ہراساں کررہے تھے اور میرے بھائی نے اس کی مخالفت کی تھی اور تھانے میں شکایت بھی درج کی تھی ۔انہوں نے مزید کہا پولیس نے اس معاملے میں ایک کیس بھی درج کیا تھا"۔