ضلع کٹیہار کے کدوا اسمبلی نشست سے عظیم اتحاد کے امیدوار اور کانگریس کے رکن اسمبلی شکیل احمد خان کے ایف ایس ٹی کی ٹیم نے مقدمہ درج کر لیا ہے۔
ان کے خلاف انتخابی ضابطہ اخلاق کی خلاف ورزی کرنے کے بابت یہ مقدمہ درج کیا گیا ہے، بتایا جا رہا ہے کہ وہ رائے دہندگان کو چائے اور ناشتہ کرا رہے تھے۔
یہ بھی پڑھیں: تیجسوی نے کہا: میں نے جھکنا نہیں سیکھا
شکیل احمد خان کی جانب سے رائے دہندگان کو چائے اور ناشتہ کرائے جانے کی خبر مقامی ایف ایس ٹی کی ٹیم کو لگی، ویڈیو فوٹیج کی تحقیقات کرائے جانے کے بعد تعینات مجسٹریٹ منیش کمار نے مقامی ڈنڈکھیرا پولیس اسٹیشن میں ویڈیو فوٹیج کی بنیاد پر مقدمہ درج کرایا ہے۔
ضابطہ اخلاق کی خلاف ورزی کے ملزم کانگریس کے رکن اسمبلی پر یہ دوسری ایف آئی آر ہے۔ اس سے قبل بلیا بیلون پولیس اسٹیشن میں 20 اکتوبر کو ایک مقدمہ درج کیا گیا تھا۔ جس میں تمام ووٹرز کو بغیر اجازت آم کے باغ میں ایک دن کا کھانا کھلایا گیا تھا۔