عام آدمی پارٹی کے سینئر رہنما اور راجیہ سبھا کے رکن سنجے سنگھ نے راجیہ سبھا میں زرعی بل منظور ہونے پر مرکزی حکومت کی سخت تنقید کی ہے۔ انہوں نے ای ٹی وی بھارت سے خاص بات چیت میں کہا کہ مرکزی حکومت نے کسانوں کی موت کے فرمان پر دستخط کیا ہے۔
'حکومت نے کسانوں کے موت کے فرمان پر دستخط کیا ہے'
خیال رہے کہ راجیہ سبھا میں زرعی بل زبردست ہنگامہ کے دوران صوتی ووٹ سے منظور کرلیا گیا۔ اس بل کی منظوری کے بعد ترنمول کانگریس کے ایک رکن پارلیمان نے بل کی کاپی پھاڑ دی۔
وہیں عام آدمی پارٹی کے رکن پارلیمان سنجے سنگھ نے غصے میں مائیک توڑ ڈالا۔
سنجے سنگھ نے ای ٹی وی بھارت سے بات کرتے ہوئے کہا کہ کسانوں کے لئے یہ کالا قانون ہے ، جو ان کے پیٹ اور پیٹھ دونوں پر لات مارے گا کیوں کہ اس بل کے مطابق اب کسی کے پاس بھی لامحدود اسٹوریج ہوسکتا ہے۔