نیٹ امتحان میں 85 سے 90 فیصد طلباء کی شرکت

نیٹ امتحان کے لیے اندارج کرنے والے 15.97 لاکھ طلباء میں سے آج تقریبا 85 سے 90 فیصد امیدوار اس داخلہ امتحان میں شریک ہوئے، نیٹ کا امتحان قومی جانچ ایجنسی (این ٹی اے) کے ذریعہ آج شام 2 سے 5 بجے کے درمیان منعقد کی گئی تھی۔

وزیر تعلیم رمیش پوکھریال نے ٹویٹر پر کہا "این ٹی اے نے مجھے بتایا کہ آج تقریبا 85-90 فیصد طلباء نیٹ کے امتحان میں شریک ہوئے ہیں۔"

پوکھریال نے مزید کہا "میں تمام وزرائےاعلیٰ اور این ٹی اے کا طلباء کے لیے سہولیات کا بندوبست کرنے کے لیے ان کا مخلصانہ طور پر شکریہ ادا کرتا ہوں، نیٹ امتحان میں نوجوانوں کی شرکت خود کفیل بھارت کی عزم اور صبر کی عکاسی کرتا ہے‘‘۔

وزیر تعلیم رمیش پوکھریال کا ٹویٹ

اس سال امتحانی مراکز کی تعداد میں اضافہ کرنے کے ساتھ ساتھ این ٹی اے کو کووڈ-19 وبا کے دوران نیٹ کے انعقاد کے لیے متعدد اقدامات اٹھانے پڑے۔

مختلف ریاستی حکومتوں اور ریلوے نے اس وبا کے دوران طلباء کو اپنے نیٹ امتحانی مراکز تک پہنچنے میں مدد فراہم کی۔