'ہیرا گروپ کی جائیداد نہ خریدیں'

سی سی ایس پولیس نے عوام کو آگاہ کرتے ہوئے کہا کہ ہیرا گروپ ادارہ سے تعلق رکھنے والی کسی بھی جائیداد کو خریدا نہ جائے۔

اس ضمن میں بتایا گیا کہ مذکورہ ادارہ کی ملکیت میں ملک بھر میں 110 جائیدادیں ہیں۔
آندھراپردیش، تمل ناڈو، کرناٹک، کیرالہ، مہاراشٹر، دہلی اور حیدرآباد میں ہیرا گروپ کی جائیدادیں ہیں۔ جس کی مالیت چار سو کروڑ سےزائد بتائی گئی۔
حکومت کی منظوری سے ان جائیدادوں کو ضبط کرلیا گیا۔
تاہم پولیس اور متعلقہ افسران نے اس سلسلہ میں عوام کو اگاہ کیا ہے تاکہ بے خبری کی وجہ کسی جائیداد کو خریدنے کی غلطی نہ کریں۔
ہیراگروپ کی ایم ڈی نوہیرہ شیخ پولیس کی گرفت میں ہے،جن پرسرمایہ کاری کے عوض زائد رقم دینے کا جھانسہ دیکر دھوکہ دینے کا الزام ہے۔