آل انڈیا ریڈیو کے ڈائریکٹر جنرل ایف شہریار سبکدوش

آل انڈیا ریڈیو کے ڈائریکٹر جنرل ایف شہریار 31 دسمبر 2019 کواپنی ملازمت سے سبکدوش ہوگئے۔

اس کے ساتھ ہی وہ اے آئی بی ڈی کے صدر اور پرسار بھارتی بورڈ کے رکن کی حیثیت سے بھی سبکدوش ہوئے ہیں۔

پرسار بھارتی کی ایک ریلیز کے مطابق آل انڈیا ریڈیو کے ڈائریکٹر جنرل کے طور پر مسٹر شہریار کی مدت کار میں دنیا کے سب سے بڑے براڈکاسٹ نیٹ ورک میں کافی توسیع ہوئی اور ملک و بیرون کے مابین کے سامعین تک ڈیجیٹل رسائی میں اضافہ ہوا ہے۔ انہوں نے موبائل ایپ کے ذریعہ ملکی اور غیر ملکی سامعین کے لئے آل انڈیا ریڈیو کی سروسز کو مزید قابل رسائی بنایا۔ مسٹر شہریار نے وزیر اعظم نریندر مودی کے ماہانہ پروگرام ’من کی بات‘ کے نشریہ کو ممکن بناکر ملک کے عوام اور وزیراعظم کے درمیان ایک اٹوٹ رشتہ قائم کردیا۔

آکاش وانی بھون میں ’آکاش وانی رنگ بھون‘ کے نام سے ایک جدید آڈیٹوریم کا قیام ان کے اہم کاموں میں سے ایک ہے۔