'بی جے پی رہنماؤں کو بچانے کے لیے طاہر حسین کو پھنسایا جا رہا ہے'

عام آدمی پارٹی کے رہنما اور اوکھلا سے رکن اسمبلی امانت اللہ خان نے کہا ہے کہ 'بی جے پی رہنماؤں کو بچانے نیز عام آدمی پارٹی کو بدنام کرنے کے لیے طاہر حسین کو پھنسایا جا رہا ہے۔

دہلی پولیس کی جانب سے طاہر حسین کے خلاف قتل اور تشدد پھیلانے کا مقدمہ درج کیا گیا ہے جس کے بعد عام آدمی پارٹی نے کونسلر طاہر حسین کو پارٹی سے بر طرف کر دیا ہے۔

بشکریہ ٹویٹر

شمال مشرقی دہلی میں گزشتہ روز ہونے والے تشدد میں طاہر حسین کا نام سامنے آنے کے بعد پارٹی کے سربراہ اور دہلی کے وزیراعلی اروند کیجریوال نے بیان دیا تھا کہ تشدد جو بھی ملوث پایا جائے گا اس کے خلاف سخت کارروائی کی جانی چاہیے حتی کہ عام آدمی پارٹی کے کارکنان یا رہنما کا نا اس میں پایا جائے تب اس کے خلاف دوہری کارروائی ہونی چاہیے۔

بشکریہ ٹویٹر

قبل ازیں دہلی پولیس نے طاہر حسین خلاف مقدمہ درج کیا تھا جس کے بعد پارٹی نے ان کے خلاف کارروائی کرتے ہوئے پارٹی سے برطرف کر دیا ہے۔

واضح رہے کہ طاہر حسین کے مکان سے بھاری مقدار میں پیٹرول بم اور پتھر برآمد ہوئے تھے، جس کے بعد دہلی پولیس نے طاہر حسین کے مکان اور گودام کو سیل کر دیا ہے، تاہم طاہر حسین نے ان تمام الزامات کی تردید کی ہے۔