شاہین باغ کے مظاہرین سےدہلی پولیس کی اپیل

دہلی پولیس نے شہریت ترمیمی قانون (سی اےاے) اور قومی شہریت رجسٹر (این آر سی) کے خلاف مظاہرہ کررہے شاہین باغ کے مظاہرین سے عوامی مفاد میں تعاون کرنے اور سڑک کو خالی کرنے کی اپیل ہے۔

شاہین باغ میں جاری مظاہرے کی وجہ سے علاقے میں گذرنے والی سڑک پر آمدورفت رکی ہوئی ہے.

شاہین باغ کے مظاہرین سےدہلی پولیس کی اپیل

جس سے دہلی۔این سی آر کے رہنے والوں کو پریشانیوں کا سامنا کرنا پڑرہا ہے۔ اس سڑک کوروزانہ لاکھوں مسافر استعمال کرتے ہیں۔

پولس نے مظاہرین سے تعاون کرنے اور سڑک کو خالی کرنے کی اپیل کی ہے کیونکہ سینئر شہریوں، مریضوں، اسکول جانے والے طالب علموں اور دیگر لوگ سڑک بند ہونے کی وجہ سے پریشان ہیں۔

سی اے اے اور این آر سی کے خلاف شاہین باغ میں ایک مہینے سے زیادہ عرصے سے مظاہرہ ہورہا ہے، جس کی وجہ سے کالندی کنج۔شاہین باغ روڈ اور اوکھلا انڈرپاس مستقل طور سے بند ہے جس کی وجہ سے دہلی۔نوئیڈا اور فریدآباد کےدرمیان آمدورفت متاثر ہے۔