Published : Dec 8, 2019, 5:16 PM IST
Published : Dec 8, 2019, 5:16 PM IST
|Updated : Dec 8, 2019, 9:21 PM IST
عمارت کے مالک کے خلاف تعزیرات ہند کی دفعہ 304 کے تحت مقدمہ درج کر کے پولیس نے عمارت کے مالک ریحان نامی شخص کو گرفتار کیا ہے۔
دہلی کے جھانسی روڈ پر واقع اناج منڈی علاقہ کی ایک فیکٹری میں بھیانک آتشزدگی میں 43 افراد ہلاک ہوئے ہیں۔
فائربریگیڈ کی 30 گاڑیوں کے عملے نے بڑی مشقت کے بعد آگ پر قابو پالیا ہے۔
دہلی فائر بریگیڈ کے ڈپٹی چیف افسر نے اس واقعہ کی تفصیل بتاتے ہوئے کہا کہ 'آگ پر قابو پالیا گیا ہے اور موقع پر سے درجنوں افراد کو بحفاظت باہر نکالا گیا ہے۔'
انہوں نے بتایا کہ 'دھوئیں سے متاثر 50 افراد کو اسپتال میں داخل کرایا گیا جہاں ڈاکٹروں نے 43 افراد کے موت کی تصدیق کر دی۔'
انہوں نے بتایا کہ 'فیکٹری میں اسکول بیگ، بوتلیں اور دیگر چیزیں تیار کی جاتی تھیں۔ ہلاک شدگان میں زیادہ تر مزدور ہیں۔'
انہوں نے بتایا کہ 'انتظامیہ آگ لگنے کی وجوہات کا پتہ لگانے کی کوشش کر رہی ہے۔'