پنجاب سنٹرل جیل کے تشدد معاملے میں تحقیقات ہوگی

وزیر اعلی نے معاملے کی تفصیلی تحقیقات کرنے کے لیے کہا ہے تاکہ تشدد بھڑکانے والوں کا پتہ لگایا جاسکے

پنجاب کے وزیر اعلی کیپٹن امریندر سنگھ نے ریاست کی سنٹرل جیل میں تشدد کے واقعات کو سنجیدگی سے لیتے ہوئے معاملے کی عدالتی تحقیقات کا حکم دیا ہے۔

امریندر سنگھ نے بتایا کہ اس معاملے کی تحقیقات ضلع لدھیانہ کے ترقیاتی کمشنر کریں گے ۔

جمعرات کو ہونے والے تشدد میں ایک قید ی ہلاک جبکہ پانچ قیدیوں اور اتنے ہی پولیس اہلکار زخمی ہوگئے تھے۔

وزیر اعلی نے معاملے کی تفصیلی تحقیقات کرنے کے لیے کہا ہے تاکہ تشدد بھڑکانے والوں کا پتہ لگایا جاسکے اور ان کے خلاف سخت کارروائی کی جا سکے۔

انہوں نے کہا کہ اس واقعہ کی وجہ سے ریاست میں قانون اور نظام کو ناکام قرار دینا صحیح نہیں ہے۔