ڈیزل تین ہفتہ کی اونچی سطح پر

ڈیزل کی قیمت آج بڑھ کر تین ہفتہ کی سب سے اونچی سطح پر پہنچ گئی, اس سے قبل گزشتہ چار دنوں میں اس کی قیمت میں کوئی تبدیلی نہیں ہوئی تھی۔

ملک کی نامور تیل کمپنی انڈین آئل سے ملی اطلاع کے مطابق دہلی میں آج ڈیزل آٹھ پیسے مہنگا ہوکر 66.39 روپے فی لیٹر پر پہنچ گیا، یہ 28مارچ کے بعد اس کی سب سے اونچی سطح ہے، اس دوران پٹرول کی قیمت 73روپے فی لیٹر رہی۔

ممبئی میں ڈیزل 9 پیسے مہنگا ہوکر 69.49 روپے اور کولکاتا میں آٹھ پیسے کے اضافہ کے ساتھ 68.13 روپے فی لیٹر ہوگیا جبکہ چینئی میں اس کی قیمت 10 پیسے بڑھی اور یہ 70.11 روپے فی لیٹر فروخت ہورہا ہے۔

اسی دوران کولکاتا میں پٹرول 75.02 روپے اور ممبئی میں 78.57 روپے فی لیٹر فروخت ہورہا ہے جبکہ چینئی میں پیٹرول کی قیمت ایک پیسے بڑھ کر 75.78 روپے فی لیٹر پہنچ گئی ہے۔