کانگریس کا نیا صدر طے کرنے کے لئے ورکنگ کمیٹی کی میٹنگ آج

آج بروز سنیچر کانگریس پارٹی کے صدر کے انتخاب کے لئے پارٹی کی اعلی پالیسی ساز یونٹ کی ورکنگ کمیٹی کی اہم میٹنگ ہوگی۔

کانگریس پارٹی کے صدر راہل گاندھی نے عام انتخابات میں شکست کی ذمہ داری لینے کے گذشتہ 25مئی کوہونے والی ورکنگ کمیٹی کی میٹنگ میں استعفی دینے کی پیشکش کی تھی۔ ورکنگ کمیٹی نے اس وقت ایک آواز میں ان سے عہدہ پر فائز رہنے کی درخواست کی تھی لیکن وہ استعفی پر بضد رہے اس لئے نئے صدر کے نام پر غور کرنے کے لئے ورکنگ کمیٹی کی یہ اہم میٹنگ طلب کی گئی ہے۔

میٹنگ صبح گیارہ بجے یہاں پارٹی ہیڈکوارٹر میں شروع ہوگی۔ لوک سبھا انتخابات کے بعد ورکنگ کمیٹی کی یہ تیسری میٹنگ ہوگی۔