ایک سینئر عہدیدار نے اتوار کے روز بتایا کہ گروگرام کے ایک اسپتال میں کورونا وائرس کے انفیکشن کی وجہ سے ایک ریٹائرڈ سرکاری اہلکار کی موت کے بعد رانچی کے ایک نجی اسپتال کے عملہ سمیت 100 سے زائد افراد کو قرنطینہ میں بھیج دیا گیا ہے۔
رانچی میں ایک شخص کی موت کے بعد ہسپتال کے اسٹاف کو قرنطینیہ میں بھیج دیا گیا جھارکھنڈ کے دارالحکومت میں واقع بریٹیو سوسائٹی میں واقع ایک اپارٹمنٹ میں رہائش پذیر ڈسٹرکٹ ڈویلپمنٹ کمشنر (ڈی ڈی سی) کو 31 مارچ کو دماغی ہیمرج ہوا تھا اور اسے علاقے کے نجی اسپتال میں داخل کرایا گیا تھا۔ انہیں 16 اپریل کو گروگرام کے اسپتال لے جایا گیا ، جہاں وہ ہفتے کے روز وہ چل بسے۔
رانچی کے ڈپٹی کمشنر (ڈی سی) رائے مہپت رے نے میڈیا کو بتایا ، "اسپتال کے عملے اور اس کے اپارٹمنٹ کے دیگر رہائشیوں کو قرنطین کردیا گیا ہے۔ نمونے جانچ کے لئے لئے گئے ہیں حالانکہ اسپتال کو سیل نہیں کیا گیا ہے۔"
دریں اثنا، جھارکھنڈ میں کورونا وائرس سے مثبت پائے جانے والے افراد کی تعداد 35 ہوگئی ، جن میں 18 رانچی کے ہندپیری علاقے سے ہیں۔
رانچی کے صدر اسپتال میں ایک بچے کو جنم دینے والی خاتون میں بھی یہ ٹیسٹ مثبت پایا گیا ہے۔ وہ ہندپیری محلے کی رہائشی ہے۔ حکام کے مطابق تین دن کے بچے کا بھی ٹیسٹ کیا جائے گا۔
