دہلی: سرکاری ہسپتال کے دو نرسنگ آفیسر کورونا سے متاثر

دارالحکومت دہلی کے ایک سرکاری ہسپتال کے دو نرسنگ آفیسر کورونا وائرس سے متاثر ہو گئے ہیں، دو دن قبل بھی اسی ہسپتال کے ایک ڈاکٹر میں کورونا کی تصدیق ہوئی تھی، جس کے بعد ہسپتال کو بند کرنا پڑا تھا۔

موصول اطلاعات کے مطابق یہ دونوں افسران دہلی اسٹیٹ کینسر انسٹی ٹیوٹ کے ملازم ہیں جو کورونا سے متاثر ہوئے ہیں، یہاں بتاتے چلیں کہ دو دن قبل بھی اسی ہسپتال کے ایک ڈاکٹر میں کورونا کی تصدیق ہوئی تھی جس کے بعد ڈاکٹر کے رابطے میں آئے 19 افراد کا ٹیسٹ کرایا گیا تھا، ان 19 افراد میں ان دونوں نرسنگ آفیسر میں کورونا مثبت پایا گیا ہے۔

ہسپتال کی جانب سے اب ان افراد کی فہرست تیار کی جا رہی ہے جو ان دونوں نرسنگ آفیسر کے رابطے میں آئے ہیں۔

دہلی کے متعدد اسپتالوں کے ڈاکٹرز اور نرسز کے کورونا متاثر ہونے کی خبریں موصول ہو رہی ہیں، اس کے علاوہ دہلی میں قائم محلہ کلینک کے بھی کئی ڈاکٹرز میں کورونا کی تصدیق ہوئی ہے۔