ملک میں کورونا پازیٹیویٹی شرح میں مسلسل کمی جاری

کورونا وائرس کے انفیکشن کی پازیٹیویٹی شرح مسلسل کم ہوکر یومیہ اوسطاً 7.71رہ گئی ہے.

صحت اور خاندانی فلاح وبہبود کی مرکزی وزارت کی پریس بریفنگ میں ہیلتھ سکریٹری راجیش بھوشن نے منگل کو بتایا کہ اگست مہینہ کے ہفتہ وار اعدادو شمار پر نظر ڈالیں تو ملک میں پازیٹیویٹی شرح مسلسل کم ہورہی ہے جبکہ اس دوران کورونا ٹیسٹ کی رفتار کافی تیز رہی ہے۔

انہوں نے بتایا کہ 29جولائی سے چار اگست کے درمیان یومیہ اوسط کورونا پازیٹیویٹی شرح 10.94فیصد تھی جو پانچ اگست اور گیارہ اگست کے درمیان کم ہوکر 9.52فیصد ہوگئی۔ پازیٹیویٹی شرح 12سے 18اگست کے درمیان اوسطاً 7.72فیصد رہی ہے۔

بھوشن نے کہا کہ 29 جولائی سے چاراگست کے درمیان ملک میں یومیہ اوسطاً 5,04,266کورونا ٹیسٹ، پانچ اگست سے گیارہ کے درمیان 6,31,014اور 12سے 18اگست کے درمیان 8,08,488ٹیسٹ کئے گئے۔