کانگریس 2اپریل کو انتخابی منشوری جاری کرے گی

کانگریس ورکنگ کمیٹی کی پیر کے روز ہونے والی میٹنگ میں عام انتخابات کے انتخابی منشور کو آخری شکل دی جائے گی۔

ذرائع کے مطابق پارٹی دفتر میں کانگریس ورکنگ کمیٹی میٹنگ میں انتخابی منشور پر بات ہوگی۔ اس کے بعد 2 اپریل کو راہل گاندھی انتخابی منشور جاری کریں گے۔

اطلاعات کے مطابق کانگریس ورکنگ کمیٹی کی میٹنگ میں سونیا گاندھی،سابق وزیر اعظم منموہن سنگھ،غلام نبی آزاد،ملکارجن کھڑگے،احمد پٹیل جیسے رہنما شریک ہوں گے۔

پارٹی میٹنگ میں جنرل سکریٹری پرینکا گاندھی اور جیوترادتیہ سندھیا بھی موجود رہیں گے۔

کانگریس اپنے انتخابی منشور میں کم از کم آمدنی گارنٹی اسکیم کے تحت غریبوں کو 72000 روپے سالانہ دینے کے وعدے کے ساتھ ساتھ کچھ اور اہم وعدے بھی کیے جا سکتے ہیں۔