قتل کے خلاف کے کانگریس کا احتجاج

کانگریس کے رہنما کے قتل کے خلاف مرشدآباد کے بھگوان گولہ تھانہ کے رانی تلہ علاقے میں یوتھ کانگریس کے حامیوں نے الیکشن کمیشن افسرکے دفتر کے سامنے احتجاج کیا۔کانگریس کے سینیئر رہنما ادھیر رنجن چودھری نے ترنمول کانگریس کوتنقید کا نشانہ بنایا۔

روہن مترا کی قیادت میں یوتھ کانگریس کے کارکنان نے الیکشن کمیشن کے دفتر کے سامنے کانگریس کے حامی طاہر الکلام کے قتل کے خلاف احتجاج کیا۔
یوتھ کانگریس کے رہنما روہن مترا کاکہنا ہے کہ حکمراں جماعت ترنمول کا نگریس ریاستی پولیس کی مدد سے پارلیمانی انتخابات میں بدعنوانی کر رہی ہے۔
انہوں نے کہاکہ جو شخص ترنمول کانگریس کی راہ میں رکاوٹ بن رہا ہے اسے موت کا گھاٹ اتار دیا جارہا ہے۔
کانگریس کے سینیئر رہنما ادھیر ربجن چودھری نے طاہرالکلام کے قتل کاالزام ترنمول کانگریس پر لگایا۔ ان کاکہنا ہے کہ الیکشن کمیشن کو مرشد آباد کے بیشتر بوتھوں پر دوبارہ پولنگ کرانے کامطالبہ کیا۔
واضح رہے کہ مغر بی بنگال مرشد آ باد میں تیسرے مر حلے کی پولنگ کے دوران ترنمول کا نگریس اور کانگریس کے دوران جھڑپ میں ایک شخص کو چاقو مار کر قتل کردیا گیا۔