پرینکا گاندھی کے روڈ شو کے دوران کارکنان میں تکرار

بی جے پی کارکن نے پرینکا گاندھی کی ریلی میں شامل کانگریسی کارکنان کو پانی پلانے کی کوشش کی تو کانگریسی رہنما نے اپنے کارکنان کو پانی پینے سے روک دیا۔

ریاست اتر پردیش میں پرینکا گاندھی کے روڈ شو کے دوران کانگریس اور بی جے پی میں زبردست ٹکراؤ دیکھنے کو ملا۔

دراصل معاملہ کچھ یوں ہے کہ بی جے پی کا ایک رکن کانگریس کی ریلی میں شامل افراد کو پانی پلا رہا تھا لیکن اسی وقت کانگریس رہنما نے اپنے کارکنان کو پانی پینے سے روک دیا۔

اس معاملے کو جب صحافیوں نے کیمرے میں قید کرنے کی کوشش کی تو کانگریس رہنما نے صحافیوں کو ایسا کرنے سے روک دیا۔

دوسرا معاملہ تب واقع ہوا جب پرینکا گاندھی کو ریلی کے دوران ایک مکان سے بی ایس پی کا جھنڈا دکھایا گیا۔