'کانگریس نے ملک میں دہشت گردی کو بڑھاوا دیا'

ریاست اترپردیش کے وزیراعلیٰ یوگی آدتیہ ناتھ کانپور میں اپنے امیدوار کی حمایت کرنے کے لیے ایک ریلی میں شامل ہوئے جہاں انہوں نے کانگریس کی شدید مذمت کی۔

انہوں نے کانگریس کے 55 سالوں اور بی جے پی کے پانچ سالوں کی حکومت کی موازنہ کرتے ہوئے کانگریس سے سوال کیا کہ 55 سالوں میں انہوں نے ملک کی ترقی کے لیے کون سے کام کیے۔

انہوں نے مذید کہا کہ 'کانگریس نے بھارت کو خاندانی راج ، دہشت گردی، نکسل واد کے علاوہ کئی گوٹالے جیسے کامن ویلتھ گیمز گھوٹالہ اور کول گیٹ گوٹالہ دیا'۔

یوگی کا کہنا ہے کہ کانگریس پارٹی ملک کی آنکھوں میں دھول جھوكنے کا کام کر رہی ہے ، جس کو آپ راہل گاندھی کے نام ہے جانتے ہیں وہ جب بھارت کے باہر جاتا ہے تو اپنا گاندھی نام کی شناخت چھپاتا ہے راہل ونشي کے نام پر اپنی شناخت بناتا ہے'۔

انہوں نے عوام سے اپیل کی کہ کانپور شہر سے ستی دیو پچوری اور اکبر پور سے دیویندر سنگھ بھولے کو اپنا ووٹ دیں۔