وزیراعظم کو خط لکھنے والوں پر ملک سے غداری کا مقدمہ

گزشتہ روز ملک کی 49 معروف شخصیات نے وزیراعظم نریندر مودی کو خط لکھ کر بڑھتے ہوئے ہجومی تشدد پر روک لگانے کی مانگ کی تھی۔

بھارتی جنتا پارٹی جب سے اقتدار میں آئی ہے تب سے ملک میں عجیب طرح کے حالات پیدا ہوگئے ہیں اور اسی سلسلے کی کڑی آج دیکھنے کو ملی جب وزیراعظم کو خط لکھنے والوں پر ملک سے غداری کا مقدمہ درج کیا گیا۔

یہ مقدمہ ریاست بہار کے مظفر پور میں درج کرایا گیا۔

تفصیلات کے مطابق سدھیر کمار اوجھا نامی شخص نے مظفر پور کی عدالت میں ان 49 لوگوں کے خلاف مقدمہ درج کرایا ہے جن لوگوں نے وزیراعظم کو لکھے گئے خط پر دستخط کئے تھے۔

شکایت کنندہ جانب سے کہا گیا کہ وزیراعظم کو خط لکھنے سے بیرون ممالک میں بھارت کی شبیہ نا صرف خراب ہوئی ہے بلکہ علیحیدگی پسندوں نے ملک کو تقسیم کرنے کی بھی کوشش کی گئی ہے۔