بی ایس این ایل بھی بنائے گا آدھار کارڈ

مدھیہ پردیش کے گوالیار میں اب آدھار کارڈ بی ایس این ایل(بھارت سنچار نگم لیمیٹڈ)کے کسٹمر کیر سینٹروں سے بھی بنائے جاسکیں گے۔

یہاں آدھار کارڈ بنوانے اور ان میں ترمیم کا کام ہوسکےگا۔بی ایس این ایل گوالیار میں 13نئے آدھار کارڈ سینٹر قائم ہورہے ہیں۔بی ایس این ایل کا پہلا آدھار کارڈ سینٹر اسی ہفتے اچلیشور میں واقع کسٹمر کیر سینٹر میں شروع ہوجائےگا۔

بی ایس این ایل گوالیار کے جنرل منیجرپنکج گپتا نے بتایا کہ بی ایس این ایل کے کسٹمر کیر سینٹروں پر آدھار کارڈ کا کام اسی ہفتے شروع کیاجارہا ہے۔مشینیں لگ رہی ہیں،اس کےلئے ملازمین بھی تعینات کئے جارہے ہیں۔

گوالیار میں بی ایس این ایل افسروں کی پہل سے 13مراکز پر 26آدھار کارڈ مشینیں لگائی جارہی ہیں۔