بابری مسجد کیس: شیعہ پرسنل لا بورڈ کو سپریم کورٹ کا فیصلہ منظور

سپریم کورٹ نے آج اپنے فیصلے میں کہا کہ بابری مسجد تنازعہ کو دونوں فریقین بند کمرے میں بات چیت کے ذریعے حل کریں۔

اس کے لیے سپریم کورٹ نے تین رکنی کمیٹی کا انتخاب کیا ہے جنہیں آٹھ ہفتے کے اندر اپنی رپورٹ سپریم کورٹ کو دینی ہے۔

شیعہ وقف بورڈ کے ترجمان مولانا یعصوب عباس نقوی نے ای ٹی وی بھارت سے بات کرتے ہوئے کہا کہ سپریم کورٹ نے جو فیصلہ سنایا وہ اس کا خیر مقدم کرتے ہیں اور ملک میں امن و امان کے لیےیہی بہتر ہے

انہوں نے کہا کہ شیعہ پرسنل لا بورڈ اس معاملے میں آل انڈیا مسلم پرسنل لا بورڈ کے ساتھ ہے۔ جو ان کی رائے ہوگی وہی شیعہ پرسنل لا بورڈ کی ہوگی لیکن اس مسئلے پر کسی پر دباؤ ڈال کر کوئی بات نہیں منوائی جاسکتی ہے۔