وادھوان بھائیوں کی ضمانت سے متعلق بامبے ہائی کورٹ کے حکم پر روک

سپریم کورٹ نے یس بینک معاملے میں دیوان ہاؤسنگ فائننس لمٹیڈ (ڈی ایچ ایف ایل) کے سابق پرموٹرس کپل وادھوان اور دھیرج وادھوان کی ضمانت منظور کئےجانے سے متعلق بامبے ہائی کورٹ کے حکم کو جمعرات کے روز روک دیا ہے۔

جسٹس یو یو للت کی صدارت والی بنچ نے کہا ہے کہ یہ روک 7 اکتوبر2020 تک رہے گی۔ اس سے پہلے بامبے ہائی کورٹ کے جج بھارتی ڈانگرے نے متعلقہ معاملے میں انفورسمنٹ ڈائرکٹوریٹ (ای ڈی) کی جانب سے چارج شیٹ تاخیر سے پیش کئے جانے کی بنیاد پر وادھوان بھائیوں کی ضمانت کی عذرداری کو منظوری دے دی تھی۔

ای ڈی کا حالانکہ کا کہنا ہے کہ قانونی اعتبار سے ساٹھ دنوں کی مدت سے ایک دن پہلے ہی ای میل کے ذریعہ چارج شیٹ کا حصہ پیش کردیا گیا تھا۔

استغاثہ کے مطابق وادھوان بھائی یس بینک معاملے میں اہم ملزم ہیں۔ وادھوان بھائیوں کو ای ڈی نے گزشتہ 14 مئی کو گرفتار کیا تھا۔