بوائس لاکر روم کیس کیا ہے؟

ان دنوں 'بوائز لاکر گروپ' کیس پر کافی ہنگامہ برپا ہو ہے۔ سوشل میڈیا پر اس تعلق سے مستقل چرچے ہورہے ہیں۔ لیکن کیا آپ جانتے ہیں کہ اس جرم کا ارتکاب کرنے والے افراد کو کتنی سزا دی جاسکتی ہے؟

ایڈوکیٹ دیپک تیاگی کے مطابق اس معاملے میں مجرم کو زیادہ سے زیادہ پانچ سال کی قید اور دس لاکھ روپے تک جرمانے کی سزا ہوسکتی ہے لیکن نابالغ کے خلاف کوئی سخت کارروائی نہیں ہوگی۔

معلومات کے مطابق انسٹاگرام پر بنائے گئے بوائز لاکر گروپ میں لڑکیوں کے لئے نہ صرف فحش تبصرے کیے جارہے تھے بلکہ ان کی فحش تصاویر بھی لگائی جارہی تھیں۔

ایڈوکیٹ دیپک تیاگی نے کہا کہ سائبر سیل کے ذریعہ جن سیکشنز کے تحت مقدمہ درج کیا گیا ہے، اس کے تحت آئی ٹی ایکٹ کے تحت زیادہ سے زیادہ پانچ سال کی سزا دی جاسکتی ہے۔

ان پر دس لاکھ جرمانہ بھی عائد کیا جاسکتا ہے۔ یہ سزا صرف بالغ ملزم کو ہی دی جاسکتی ہے۔