بی جے پی، کانگریس کے خلاف عدالت جائےگی

گزشتہ دنوں کانگریس حکومت کی جانب سے وارڈز میں اضافہ کا مطالبہ کیا گیا تھا، وارڈز کے اضافے کو لے کر بی جے پی عدالت سے رجوع ہوگی۔

ریاست راجستھان میں کانگریس حکومت نے سنہ 2011 کی تعداد کے مطابق ریاست کے 193 مقامی سطح پر 1903 نئے وارڈ بنائیں ہیں۔ جس کو لے کر بی جے پی عدالت کا رخ کررہی ہے۔

جے پور شہر کے بی جے پی صدر موہن لال گپتا نے بتایا کہ کانگریس کی حکومت سنہ 2011 کی تعداد کے مطابق وارڈز کا اضافہ کیا تھا لیکن بی جے پی کی 2014 میں حکومت بننے کے بعد اس کا استعمال کرتی رہی ۔

اس لیے دوبارہ سے یہ راجستھان میں لاگو نہیں ہو سکتا۔ہم اسی کو بنیاد بناکر عدالت کا رخ کریں گے اور اپنی بات عدالت کے سامنے رکھیں گے۔ انہوں نے بتایا کہ ریاستی حکومت جمہوریت کو ختم کرنا چاہتی ہے اس لئے ہم ریاستی گورنر سے بھی ملاقات کریں گے اور اپنی بات کو ان کے سامنے بھی رکھیں گے۔ واضح رہے کہ گہلوت حکومت نے نگرپالیکا, نگر نگم اور نگر پریشد کے 5377 حلقوں بجائے 7280 وارڈز بنانے کا اعلان کیا تھا۔