ممبئی انڈینس اور کنگز الیون پنجاب کے درمیان آج وانکھیڈے اسٹیڈیم میں میچ کھیلا جائے گا لیکن اس سے پہلے ممبئی کو بڑا جھٹکا لگا ہے، پریکٹس سیشن کے دوران کپتان روہت شرما زخمی ہو گئے ہیں۔
تفصیلات کے مطابق روہت کو پیر میں چوٹ لگی، اگرچہ اس بات پتہ نہیں پتہ چل سکا ہے کہ یہ چوٹ کتنی گہری ہے۔
واضح رہے کہ 30 مئی سے شروع ہو رہے عالمی کپ کے لیے 15 اپریل کو بھارتی ٹیم کا اعلان ہونے والا ہے لیکن جس طرح سے آئی پی ایل میں بھارتی کھلاڑی زخمی ہو رہے ہیں ہے اسے دیکھتے ہوئے یہ اندازہ لگایا جا سکتا ہے کہ بھارت کو عالمی کپ میں مشکلات کا سامنا کرنا پڑ سکتا ہے۔
واضح رہے کہ اس سے قبل جسپريت بمراه بھی گیند روکنے کی کوشش میں زخمی ہو گئے تھے اور انہیں کندھے میں چوٹ لگی تھی، جبکہ ہاردک پانڈیا کو بھی ایک میچ کے دوران چوٹ لگی تھی۔