ڈیڑھ ہزار سے زائد افراد کے خلاف کارروائی

لوک سبھا انتخابات پرامن طور سےکرانے کے مقصد سے مدھیہ پردیش کے پولیس ڈائرکٹر جنرل وجے کمار سنگھ کی ہدایت پر ریاست میں مجرموں کی دھر پکڑ جاری ہے۔

پولیس ہیڈکوارٹر کی جانب سے دی گئی تفصیلات کے مطابق بھوپال پولیس زون کے تحت بھی اس مہم کو انجام دیا جا رہا ہے۔

انتخابات کے پیش نظر بھوپال میں تادیبی کارروائی مختلف دفعات کے تحت ایک ہزار 674 ملزمان کے خلاف کارروائی کی گئی ہے۔

ان میں سے 50 ضلع بدر اور 6 قومی سلامتی ایکٹ کے ملزمان شامل ہیں۔ اسی طرح ایک ہزار 389 گرفتاری وارنٹ اور 420 مستقل وارنٹ تعمیل کرائے گئے ہیں۔

آئی جی بھوپال جے ديپ پرساد نے بتایا کہ خصوصی مہم کے تحت بھوپال زون میں اب تک تقریبا ایک کروڑ روپے قیمت کی 20 ہزار 630 لیٹر غیر قانونی شراب ضبط کی جا چکی ہے۔

شراب کے غیر قانونی کاروبار میں ملوث ایک ہزار 55 ملزمان کو گرفتار کیا گیا ہے۔

تقریبا 14 لاکھ 36 ہزار روپے کے غیر قانونی منشیات بھی ضبط کی گئی ہے۔

بھوپال پولیس کے تحت 304 غیر قانونی ہتھیار اور 8 کارتوس پولیس نے ضبط کئے ہیں۔