تقریبا 60 دن گزارنے کے بعد دلہن سمیت گیارہ رکنی شادی کی بارات کانپور کے ضلع چووبی پور میں اپنے آبائی مقام پر واپس پہنچ چکی ہے۔
جس کے فورا بعد دلہن سمیت تمام ارکان خاندان کو 14 دن کے قربطینہ کے لئے بھیج دیا گیا ہے۔
خاندانی ذرائع کے مطابق امتیاز کی شادی بہار کے ضلع چوبی پور کے گاؤں حکیم نگر کے ایک گھرانہ میں طئے ہوئی۔ جن کا 21 مارچ کو بہار کے بیگوسرائے کے خوشبو سے رشتہ طئے کیا گیا تھا۔
اگلے دن یعنی 22 مارچ کو جنتا کرفیو اور اس کے بعد قومی لاک ڈاؤن کی وجہ سے بارات واپس نہیں آسکی اور وہ دلہن کے گھر میں ٹھہرے رہے۔
- دلہن کے گھر میں رہنے پر مجبور:
دولہا کے والد محبوب نے کہا ہے کہ 'ہم نے ہیلپ لائن کے تمام نمبرز پر رابطہ کیا لیکن کوئی فائدہ نہیں ہوا۔ ہمیں حالات کے سبب دلہن کے گھر پر رہنے پر مجبور کیا گیا۔ یہ لڑکی کے خاندان پر ایک اضافی بوجھ تھا'۔
انھوں نے کہا ہے کہ 'آخر میں دو دن قبل ہم نے ایک بار پھر سینئر ضلعی عہدیداروں سے رابطہ کیا جنہوں نے ہمیں ٹریول پاس دیا اور مقامی لوگوں نے منی بس کا بندوبست کیا'۔
محبوب نے بتایا کہ 20 گھنٹے کے سفر کے دوران شاہراہ پر لوگوں نے بارات کو کھانا اور پانی فراہم کیا۔
ان کا مزید کہنا ہے کہ 'اس کے بعد کمیونٹی ہیلتھ سنٹر کے ڈاکٹرز کی ایک ٹیم نے کورونا وائرس کی جانچ کے لئے لئے ہمیں 14 دن تک قرنطینہ کے حالت میں رہنے کے لئے کہا ہے'۔
