سنہ 2017 کی چیمپیئن اور عالمی درجہ بندی میں چھٹے مقام پر قابض سندھو گزشتہ دو سال سے اس ٹورنامنٹ کے فائنل میں پہنچتی آرہی ہیں لیکن وہ ابھی تک خطاب پر قبضہ نہیں کر سکی ہیں۔
عالمی درجہ بندی میں چینی کھلاڑی چین یوفیئی کے ٹورنامنٹ سے ہٹ جانے سے سندھو کے لئے راہ آسان ہو گئی ہے۔
حالاںکہ ریو اولمپک کی چاندی کا تمغہ فاتح سندھو پر زیادہ دباؤ نہیں ہے اور انہیں اپنے گھریلو میدان پر حامیوں سے کافی حمایت ملنے کی امید ہے۔
وہیں سال 2015 میں مردوں کے سنگلز کا خطاب جیتنے والے سری کانت دوسری بار یہ خطاب اپنے نام کرنے کے ارادے سے کورٹ پر اتریں گے۔
عالمی درجہ بندی میں 7 ویں مقام کے حامل سری کانت نے کہا کہ اب ان کا مقصد سر فہرست 3 کھلاڑیوں میں پہنچنا ہے، چوٹ کے بعد مکمل طور پر فٹ سری کانت دوبارہ بہترین کارکردگی کے لئے تیار ہے۔
واضح رہے کہ تجربہ کار کھلاڑی سائنا نہوال اس ٹورنامنٹ میں حصہ نہیں لیں گی، اولمپک تمغہ فاتح سائنا کو حال ہی میں پیٹ میں تکلیف کی وجہ سے ہسپتال میں داخل ہونا پڑا تھا، آل انگلینڈ اوپن بیڈمنٹن چیمپئن شپ میں حصہ لینے کے بعد انہیں سوئس اوپن سے اپنا نام واپس لینا پڑا تھا۔
31 مارچ تک چلنے والے اس ٹورنامنٹ میں 13 ممالک کے تقریباً 292 کھلاڑی حصہ لیں گے۔