معصوم بچوں کا منفرد ڈرائنگ کے ذریعے حکومت کے خلاف احتجاج

مہاراشٹر کے شہر اورنگ آباد کے شاہین باغ میں چھوٹے چھوٹے طلبا وطالبات اور خواتین نے مختلف رنگوں سے منفرد ڈرائنگ کے ذریعے حکومت کی پالیسیوں کے خلاف احتجاج کیا۔

ان ڈرائنگز میں قومی پرچم، بھارت کا نقشہ اور ملک کے موجودہ حالا ت کی عکاسی کی گئی مزید یہ کہ بچوں نے بھی اپنی ڈرائنگ کے ذریعے دہلی کے فسادات پر لہولہان بھارت کا نقشہ کھینچا تو دہلی کے شاہین باغ احتجاج کی حمایت بھی کی۔

اس موقع پر معصوم بچوں نے اپنی فنکارانہ صلاحیتوں کا بڑی انتہائی عمدگی سے مظاہرہ کیا۔

پوسٹرو ڈرائنگز کے زریعے احتجاج کرنے والوں کے ِذمہ داروں کا کہنا ہے کہ رنگ بھی بہت کچھ کہتے ہیں اور وہ ان رنگوں کے ذریعے اپنے جذبات کا اظہار کررہے ہیں۔