مرکزی حکومت نے اپنے اٹارنی جنرل کے کے وینوگوپال کی میعاد کار میں ایک برس تک کے لیے توسیع کر دی ہے۔
وزارت قانون کی جانب سے پیر کی دیر رات جاری نوٹیفیکیشن کے مطابق صدر رام ناتھ کووند نے وینوگوپال کو ایک برس کے لیے اٹارنی جنرل کے عہدے پر ازسر نو تقرری کو منظوری دے دی، ان کی نئی تقرری یکم جولائی سے موثر ہوگی۔
اٹارنی جنرل کے طور پر وینوگوپال کا تین سال کی میعاد 30 جون کو ختم ہو رہی تھی، وہ 89 برس کے ہیں۔
واضح رہے کہ وینوگوپال کی میعاد ختم ہونے کو دھیان میں رکھتے ہوئے مرکزی حکومت نے ایک سال کی سروس کی توسیع کے لئے ان سے رضامندی کا مطالبہ کیا تھا جس کی انہوں نے حامی بھر دی تھی۔
وینوگوپال آئینی معاملوں کے ماہر رہے ہیں اور اٹارنی جنرل کے طور پر انہوں نے آدھار، رافیل وغیرہ جیسے اہم معاملوں میں مرکز کا کامیابی کے ساتھ دفاع کیا تھا۔
سینئر وکیل مکل روہتگی کے ذاتی وجوہات کا حوالہ دے کر اٹارنی جنرل کے عہدہ سے استعفی دینے کے بعد وینوگوپال کو جون 2017 میں ملک کا پندرہواں اٹارنی جنرل مقرر کیا گیا تھا۔