راجناتھ سنگھ نے اپنی حکومت کی حصولیابیوں کا ذکر کرتے ہوئے کہا تھا کہ گذشتہ پانچ برسوں میں سرحد پار تین فضائیہ حملے کے گئے ہیں۔
اویسی نے ٹویٹر پر راجناتھ سنگھ سے پوچھا ،'سر،کیا یہ تب ہوئی، جب وزیر اعظم ایک شادی تقریب میں بغیر بلائے نواز شریف کے گھر پہنچ گئے تھے۔'
غورطلب ہے کہ راج ناتھ سنگھ نے ایک ریلی کو خطاب کرتے ہوئے کہا تھا ،' گزشتہ پانچ برسوں میں تین بار اپنی سرحد کے باہر جاکر ہم لوگوں نے فضائیہ حملہ کر کے کامیابی حاصل کی ہے۔دو کی جانکاری آپ کو دونگا۔تیسری نہیں۔'
پہلی فضائیہ حملے پر انہوں نے کہا ،'ایک بار آپ نے دیکھا کہ اوری میں رات میں سوئے ہوئے ہماری فوج کے 17 جوانوں کے اوپر پاکستان سے آکر شدت پسندوں نے حملہ کر دیا،ان کی جانیں لے لیں۔اس کے بعد ہماری فوج کے جوانوں نے فیصلہ لیا۔پھر جو کچھ ہوا، اس کی آپ کو اچھی طرح سے جانکاری ہے۔
اس کے ساتھ انہوں نے کہا،'پہلا حملہ وہ ہوا، دوسرا فضائیہ حملہ پلوامہ حملے کے بعد ہوا ۔'
