اس سے قبل ممتا بنرجی نے کوچ بہار میں ایک جلسہ سے مخاطب کرتے ہوئے بی جے پی پر تنقید کی تھی اور ساتھ ہی اسد اویسی یا ایم آئی ایم کا نام لیے بغیر انہیں بھی تنقید کا نشانہ بنایا تھا۔
ممتا بنرجی کا کہنا تھا کہ جو لوگ حیدرآباد سے آئے ہیں ان سے بچ کر رہنا چاہئے اور کوچ بہار کے مسلمانوں کو ہوش مندی سے کام لینا چاہئے۔
اسد اویسی نے کہا کہ ممتا بنرجی اس وقت اکثریتی طبقہ سے اپیل کرنے پر مجبور ہیں لیکن اس سلسلہ میں مجھے شامل نہیں کرنا چاہئے تھا۔ اسد اویسی نے کہا کہ آپ اپنا کام کریں اور ریاست میں بڑھتی ہوئی ہندوتوا کے کو روکیں۔
اسد اویسی نے ایک ٹویٹ پیغام میں کہا کہ ہجومی تشدد اور اسے روکنے والوں کو مساوی قرار دینے صحیح نہیں ہے۔ واضح رہے کہ مغربی بنگال کے کوچ بہار کے گاؤں میں دو دلت افراد کو گائے اسمگل کرنے کے شبہ میں پیٹ پیٹ کر ہلاک کردیا گیا تھا۔
دونوں کی شناخت پرکاش داس اور بابل مترا کی حیثیت سے کی گئی تھی اور اس سلسلہ میں 11 افراد کو گرفتار کیا گیا ہے۔