مرکزی داخلہ سکریٹری راجیو گوبا کو نیا کابینی سکریٹری اور اجے کمار کو نیا دفاعی سکریٹری مقرر کیا گیا تھا۔
مرکزی کابینہ کی تقرری امور کی کمیٹی کے ذریعے گذشتہ دن اس فیصلے کو منظوری ملی۔
مسٹر گوبا کو 30 اگست سے کابینی سکریٹریٹ میں اسپیشل ٹاسک آفیسر مقرر کیا گیا ہے اور ان کی مدت کار دو برس یا اس سے پہلے جاری حکم تک ہوگی۔
واضح رہے کہ مسٹر گوبا کابینی سکریٹری پی کے سنہا کی جگہ پر منتخب کیے گئے ہیں، جو اس ماہ کے آخر میں سبکدوش ہو نگے۔
مسٹر کمار کو سنجے مشرا کی جگہ پر دفاعی سکریٹری مقرر کیا گیا ہے۔ ان کی تقرری عہدہ سنبھالنے کے دن سے نافذالعمل ہوگی۔
سینیئر آئی اے ایس افسر سبھاش چندر کو مسٹر اجے کمار کی جگہ پر وزارت دفاع میں سکریٹری (پروڈکشن) مقرر کیا گیا ہے۔