پناہ گزینوں کا معاملہ حل کرنے کی درخواست

یونائیٹیڈ نیشن ہائی کمشنر فار رفیوجیز (وی این ایچ سی آر) نے بین الاقوامی قیادت سے پناہ گزینوں کے معاملے کے حل کی سمت میں پہل کی درخواست کی ہے۔

وی این ایچ سی آر کے سربراہ فلیپو گرانڈی نے جمعرات کو سلامتی کونسل کو بتایا کہ گزشتہ 10 برسوں کے دوران مجبوری میں بے گھر ہونے والے لوگوں کی تعداد دگنی (تقریباً 8 کروڑ) ہوگئی ہے اور اس کا حل نہیں ہو پا رہا ہے۔

انہوں نے کہا کہ 2012 سے بے گھر ہونے والے لوگوں کی تعداد میں مسلسل اضافہ ہو رہا ہے۔ سنہ2011 آخری سال تھا جس میں بے گھر ہونے والے لوگوں کی تعداد میں کمی آئی تھی اور اس کے بعد سے ہر سال اس میں اضافہ ہو رہا ہے۔

یو این ایچ سی آر کے سربراہ نے 20 جون کو 'عالمی یوم پناہ گزین' کے قبل سلامتی کونسل سے پناہ گزینوں کے مسائل کے سلسلے میں خطاب کیا ہے۔