امروہہ پولیس نے شاطر گروہ کو کیا گرفتار

ضلع امروہہ کی پولیس نے ایک ایسے گروہ کو گرفتار کیا ہے، جو پیٹرول پمپز سے پیٹرول اور ڈیزل کی دھوکہ دہی کرتا تھا۔

ریاست اترپردیش کے ضلع امروہہ میں ان دنوں قومی شاہراہ پر سڑک بنانے کے لئے کام جاری ہے ، جس کی وجہ سے یہ کمپنی پیٹرول پمپوں سے ڈیزل لیتی رہتی ہے اور چیک کے ذریعے ادائیگی کرتی رہتی ہے۔

اس کا فائدہ اٹھاتے ہوئے ایک شاطر گروہ نے اپنے آپ کو کمپنی ہونے کا دعویٰ کیا۔ رجب پور تھانے کے علاقے کے دو پٹرول پمپز سے کئی ہزار لیٹر پیٹرول اور ڈیزل لے لیا اور جعلی چیک دے دیے جب پیٹرول پمپ مالکان کو اس دھوکہ دہی کا پتہ لگا تو وہ حیرت میں آگئے اور امروہہ سپرنٹنڈنٹ پولیس سے اس سارے معاملے کی شکایت کی۔

اس سارے معاملے کا انکشاف کرتے ہوئے سپرنٹنڈنٹ پولیس وپن ٹڈا نے بتایا کہ 'اس گروہ کو پکڑنے کے لئے ان کے ذریعہ ٹیمیں تشکیل دی گئیں، جس کے بعد اس گینگ کے چار مجرموں کو گرفتار کرلیا گیا اور ان کے قبضے سے تقریبا چھ لاکھ روپے اور 28 ڈرم ڈیزل بھی برآمد کیا گیا۔

ایس پی نے بتایا کہ پہلی بار ان لوگوں نے امروہہ ضلع میں فراڈ کے ایسے واقعات کو انجام دیا ہے اور ملزمان سے تفتیش شروع کردی گئی ہے۔